Kiungo Feisal Salum ‘Fei Toto’ ameaga rasmi Yanga baada ya kuwepo na tetesi kuwa amesaini na timu ya Azam FC.
"Umekuwa wakati mzuri sana kuichezea klabu ya Young Africans SC (Yanga) klabu yenye historia kubwa na ya kuvutia nchini na Afrika yote. Tumekuwa na nyakati nyingi mchanganyiko, tulifurahi pamoja pale furaha ilipokuja uelekeo wet na tulihuzunika pamoja nyakatimbaya zilipotutokea
Nitakumbuka mengi mazuri yaliyotukea pamoja na nitasahau yote mabaya kwa haraka sana. Kila nikiwakumbuka mashabiki wa WANANCHI moyo unakua mzito kuwaaga hivyo hivyo kwa wachezaji wenzangu na viongozi pia kwa upendo mlionionyesha tukiwa pamoja kwenye shida na raha.
Lakini lisilo budi hutendwa au hunenwa kwahiyo leo nasema KWAHERINI WANANCHI. lla maisha ndivyo yalivyo mambo huja na kupita na kuna wakati yanajirudia, mpaka wakati mwingine tena, Kwaheri ya kuonana." inasema taarifa ya Fei Toto.
Fei Toto ameenda mbali zaidi baada ya kuondoa utambulisho wa Yanga kwenye mitandao yake ya kijamii.
