Yanga kupindua dili, Moallin kumrithi Msenegal
Muktasari:
- Taarifa mpya ni kwamba mabosi wa Yanga wako kwenye mazungumzo ya mwisho na kocha huyo ili atue kwa mabingwa hao wa Ligi Kuu Bara.
Wakati kocha wa KMC Abdihamid Moallinakiwaaga wachezaji wake leo ikielezwa anatimkia Afrika Kusini, hesabu zinaweza kubadilika wakati wowote akatua Yanga.
Taarifa mpya ni kwamba mabosi wa Yanga wako kwenye mazungumzo ya mwisho na kocha huyo ili atue kwa mabingwa hao wa Ligi Kuu Bara.
Mapema ilikuwa Inadaiwa kwamba Moallin anapanga kutimkia Afrika Kusini kujiunga na klabu ya TS Galaxy ya nchini humo.
Yanga inaunda benchi jipya la ufundi kimyakimya ikiwa ni hesabu za kutaka kufanya mabadiliko kwenye eneo hilo, uamuzi ambao unaweza kumgusa mpaka kocha mkuu, Miguel Gamondi.
Licha ya Gamondi kurejea kazini leo, Mwanaspoti inafahamu kwamba mabosi wa Yanga wanataka kukamilisha mchakato wa kupata makocha wapya kabla ya kutangaza uamuzi wa kuachana naye.
Moallin atakwenda Yanga kuchukua nafasi ya Mussa Nd'ew, raia wa Senegal ambaye kwa sasa ndiye msaidizi wa kwanza wa Gamondi.
