Lulu afichua siri nzito
Muktasari:
- Lulu aliyeibuliwa na kundi la Kaole Sanaa kabla ya kujitosa katika filamu na sasa anatamba na tamthilia, alisema hakuna mtu wa nje ambaye ataweza kuja kuikomboa tasnia ya filamu nchini isipokuwa wasanii wenyewe, pale watakapoamua kushirikiana pamoja na kila mmoja kumheshimu mwenzake.
NYOTA wa filamu aliyewahi kutamba tangu akiwa kinda, Elizabeth Michael 'Lulu' amefichua siri inayokwamisha wasanii wengi kutoboa kimaisha akidai inatokana na kukosa ushirikiano na wenzao na baadhi yao kujiogeuza miungu watu.
Lulu aliyeibuliwa na kundi la Kaole Sanaa kabla ya kujitosa katika filamu na sasa anatamba na tamthilia, alisema hakuna mtu wa nje ambaye ataweza kuja kuikomboa tasnia ya filamu nchini isipokuwa wasanii wenyewe, pale watakapoamua kushirikiana pamoja na kila mmoja kumheshimu mwenzake.
"Leo hatuna umoja, kwanza ili tuweze kufanikiwa mafanikio hayapo ya mmoja mmoja, mafanikio yote duniani yalipita kwa watu, hivyo lazima tukubaliane, tupendane na nyoyo zetu ziwe zimefunguka kwa kufanya vitu vizuri," alisema Lulu aliyeolewa na kuzaa na Majizo mmiliki wa vituo vya redio na runinga na kuongeza;
"Kuna waongozaji (Director) wazuri zaidi, lakini leo wote hawapo, wanachokikosa ni ushirikiano, bado wengine wapo wanaweza wakafanya kitu kizuri tu, lakini ushirikiano hawana, kuna watu wanakuwa Mungu watu hii haiwezekani, kuwa miungu watu, jamani Mungu ni mmoja tu.”
